قطع تفكيرها صوت الشيخ محمد وهو يربت علي كتفها قائلا :. الاكل وصل اهه يا ست البنات جيبتلك بيتزا بالسجق وجيبت كمان كباب وكفته ورز بسمتي هناكل اللي نقدر عليه واللي يفيض هنوديه لاهل الله …
نظرت له متعجبه وسألته ببراءه :. ومين دول اهل الله دول اهل ربنا !!
ضحك الشيخ لبرائتها ولم ينهرها رغم تعديها علي الذات الالهيه ولكن البشاشه هي روح الدين فاجابها قائلا :. هو اهل الله مش يعني اهله لكن المقصود ان ربنا تكفل بيهم دول بيكونوا ناس فقرا لكن مبيمدوش ايديهم للسؤال حتي ربنا قال عنهم يحسبهم الجاهل اغنياء من التعفف
وعشان ربنا تكفل بيهم فبنقول اهل الله …لكن ربنا هو اللي خلقنا لم يلد ولم يولد …
نظرت له ببراءه واضحه ثم سألته :. طب انت هتعرفهم ازاي بقي بما انهم مش هيطلبوا حاجه !!
فأجابها قائلا :. هنخلص اكل ونشرب عصير وهنشوفهم …
اكلت غفران واكل الشيخ حتي امتلئت معدتهم وشربا العصير فأخذها عائدا الي المسجد
وهما بالطريق مرا بجانب مستشفي الدمرداش فوجدها كثيرا من الاهالي جالسين بالشوارع
فسألته غفران :. هو الناس دي قاعدين ليه كده
فأجابها :. انا عارف بس هسالهم ادامك عشان تعرفي
مر علي امراه كانت تحمل رضيعا علي صدرها فسلم عليها
الشيخ محمد :. السلام عليكم