اسعد آخذا وضعيه شديد عبدالقوي في جري الوحوش:. اه يا حوستي السودا ياني ياما
اقتربت منه زوجته محاوله التخفيف عنه :. خيرها في غيرها يا راجل وزي ما لقيت بوز الاخص اللي هربت بكره تلاقي غيرها
اسعد ببكاء :. هو دي مشكلتك يا وليه احنا وقعنا ولا حد سمى علينا الناس دي هيوصلولنا هيوصلولنا مش بعيد يكونوا مستنينا في حوش الكبانيه
زوجته :. انت اتجننت دانا لسه مسحاه الصبح مكانش فيه غير فيران اهدي بس انت واشربلك كوبايه شاي من ايد ام محمود حبيبتك
اسعد :. ياوليه مبهزرش الناس دي فعلا مبتهزرش هيموتونا هيموتوتا والمهله فاضلها يوم ودول ناس متعرفش ابوها
احست زوجته بالجديه في كلام زوجها وسألته قائله :. طب مادام كده ليه متبلغش !!
ابتسم اسعد ابتسامه سخريه من تعليق زوجته ثم اردف قائلا :. ابلغ مين عن مين بقولك دول مافيا دول اكبر من اي عصابه ممكن تتخيليها الناس دي بتكون عباره عن ذيول في مصر لتعالب كبيره بره البلد اخطر من الدوعش ذات نفسهم
وضعت زوجته يديها علي قلبها وقالت :. يانهار ابيض طب هنعمل ايه تيجي نهرب ؟
نهرب !! هنهرب نروح فين بقولك مش بعيد يكونوا في الكبانيه مستنين اي نفس لينا …قالها اسعد وهو يلطم وجهه
فأجابته قائله :. طيب يا اخويا انا هنزل دلوقتي اجيب حاجات الغدا حاكم الواد محمود ابننا نفسه هفاه ياكل سد الحنك