فتحت رحيل اعينها ثم لنظرت لتيم وهي تبتسم ابتسامه صفراء ثم قالت: علي فكره يا استاذ تيم انا منمتش انا عارفه ان التنويم عشان يتم لازم اكون مركزه مع حركات ايدك فانا مركزتش
تفاجئ تيم لجرئتها كاد ان يتكلم فبادرته قائله: . مقولتليش يااستاذ لو انت مكاني كنت قتلتلها ولا كنت سكت وسيبتها تحول اصلاحيه لبيت دعاره وتخليك زيها
تفاجئ تيم من السؤال
فأجابت قائله: . انت سكت اطمن الاجابه اللي ف دماغك صح
انا قتلتلها
بس مقتلتهاش هي وبس ده هي وسكرتيرتها عارف قتلتهم ليه؟
تيم متأثرا: . ليه يا رحيل
رحيل: . بعد اليوم الاولاني اللي استقبلوني فيه ما عدا
اتعرفت علي بنت اسمها سمر. كانت اقواهم واكبرهم سنا ولما عرفت حكايتي وقفت جنبي ومبقتش تخلي اي بنت تقرب مني …حتي مديره الاصلاحيه كانت بتقلق منها
سمر علمتني ازاي ادافع عن نفسي ووقتها ابتديت اعيش بدراعي وكنت متقمصه اوي دوور الفتوه في نفسي
بحد ما جت بنت عندها 10. كان اسمها مريم
مريم كل مشكلتها انها كانت بتسيب بيتها كتير وتهرب في الشارع بسبب معامله جوز امها السيئه ليها
وطبعا يجوز لاهلها تسليمها الاصلاحيه لو مقدروش يربوها وده اللي اهلها عملوه …
سمر لما دخلت استلموها اربع بنات اكبر منها فضلوا يضربوا فيها ويعزبوا فيها …كل ده والمديره وسكرتيرتها شايفين وساكتين