بيت القاصرات الاولاني كنت تقدر تقول عليه بيت دعاره بس مرخص!
تيم: . يعني ايه مش فاهم حاجه.
رحيل: . اول ما دخلت البيت اخدتني مديره الدار علي مكتبها وخليتني احكي الحكايه من اولها …بعد ما حكيت لقيتها ابتسمت وقالتلي بره خلوكي تعملي الحرام بالغصب هنا بقي هتعمليه وبمزاجك …او بالغصب
فتحي دماغك يا رحيل معانا وهتعيشي ملكه
مكنتش فاهمه هي قصدها ايه وسالتها قصدك ايه
قالتلي :. في ناس لما شافتك بتتحاكمي وعرفوا انك هتيجي عندي هنا كلموني وعايزين بقعدوا معاكي شويه
سالتها. :. عايزين مني ايه يعني مش فاهمه ليه يقعدوا معايا
فقالتلي: . انتي هتعملي فيها عبيطه … هيقعذوا معاكي زي ما راجح جوز امك ما كان بيقعد هو وصحابه
حسيت ان في رعشه بتسري في جسمي كله بعد اللي قالته هي كانت شايفاني وافقت لراجح اما اوافق لغيره! !
قولتلها انا مش عايزه اقعد مع حد طلبت منها تسيبني في حالي
بصتلي بنظره غصب وقالتلي انه مش بمزاجي واني واحده شمال جايه في قضيه مخله بالشرف واني مارست ده مع اكتر من خمسين شخص …مجرد بلاعه صرف
متمالكتش نفسي غير وانا بخنقها بايدي فجأه ضربت علي جرس
لقيت السكرتيره بتاعتها دخلت تمسكني
ندهت بصوت عالي علي بنات معايا في الاصلاحيه
دخلوا البنات وابتدوا يضربوني …