رغم انه كان شكله مبهدل زيهم الا انه كان معاه فلوس
وفضلت قاعده معاهم لا شغله ولا مشغله وقربت جدا من رامز واعتبرته اخويا الكبير … وهو كمان حسيت منه اني اخته
في يرم سألته انت بتجيب الفلوس دي منين؟
قالي انه بيبيع مناديل في الاشاره في ناس كتير بتشتري وفي ناس بتعطف عليه
قولتله انت صغير ما تشوف شغل افضل ليك
قالي اشوف شغل. وبعدين هكسب كام انا شغال فتره في المكان وعملت فلوس كتير … قريب هسيب المكان كله وهشري شقه واقعد فيها … انا مش حابب النوم علي الارصفه …. طلبت منه اشتغل معاه رفض
وقالي انه بيعتبر نفسه مسئول عني وانه حتي لو مشي هياخدني اعيش معاه وهكون اخته الصغيره …. وفضلنا شهور علي الحال ده
لحد ما في يوم لقيته صحي زي المجنون سألته مالك في ايه؟
قالي ان فلوسه اللي محوشها كلها اتسرقت
فتش كل اللي في المكان ملقاش فلوسه بس كان فيه اتنين اختفوا من المكان ولد اسمه شمس وبنت اسمها صفاء…
سيبنا حالنا ومالنا وابتدينا ندور عليهم. وهو نفسه بطل شغل فابتديت اغيب عنه كل يوم واشتغلت مكانه بدون علم ….
وفي يوم وانا في الاشاره ببيع منديل وقفتلي عربيه مرسيدس شكلها غالي ياما
نزلت منها ست نضيفه جدا قالتلي انها مستعده تشتري مني كل المناذيل اللي معايا وهتديني الف جنيه
وزي مايقولوا الطمع بيعمي
ركبت معاه ومفيش دقيقتين وكنت غايبه عن الوعي