ابتدي يتحرش بيا رغم ان سني صغير جدا مجرد طفله
وبعدها ابتدي يعزبني لما لقى ان مفيش فايده في اللي بيعمله
حسسني اني مجرد حشره
تيم بحزن: . طب وامك كانت فين!
ضحكت نيرفانا ضحكه خائبه: . امي …انسي امي كان كل همها انه الصبح تاكل من فلوسه وبالليل انت عارف بقي !
تيم بتفهم: . كملي
نيرفانا: . ابتدي يضربني بدافع انه بيربيني. انا فاكره مره من كتر الضرب كسر ايدي ورجلي!
وقالوا اني وقعت عشان محدش يشك فيا
فجأه رفعت ملابسها من الاسفل لتريه اثار حروق بفخذيها
نظر لها تيم ثم اشاح وجهه لبشاعه ما رأي ….لقد كان جسدها من الاسفل مشوه
سترت نفسها ثم قالت: . اتعزبت كتير اوي لحد ما قررت اسيب البيت وقتها كان خلاص قلبي مات اصلي هشوف ايه في الشارع اكتر من اللي شوفته …
ونزلت الشارع ولاول مره اكون لوحدي بس حاسه بالحريه حاسه اني بني ادمه بجد
فضلت ماشيه لحد ما خدتني رجلي لكوبري اكتوبر هناك لقيت مشردين كتير جدا اطفال وكبار
مكدبش عليك كنت خايفه في الاول لحد ما قابلت رامز
رامز كان الزعيم بتاع المشردين شاب صغير مكملش 20 سنه بس كان مسيطر علي كل اللي في المكان
سألني انت مين وايه حكايتك …حكيتله كل شئ حصلي
حسيت اني صعبت عليه
جابلي اكل وجابلي ميه