راجح :. انا راجل يابابا
الاب :. خلاص يبقي اسمعني ومتقاطعنيش
فضل سالم ورانا لحد ما اهل امك قطعوا علاقتهم بينا وخرجونا من الفيلا اللي كنا عايشين فيها الفيلا دي كانت هديه جوازنا انا وامك الله يرحمها ومش بس كده ده كمان اتسبب ان امك تدخل السجن في تهمه شرف ملهاش دخل فيها
راجح :. ماما دخلت السجن !!!!
الاب :. فاكر من كام سنه كنت انت بتلعب في جنينه الفيلا وفجاه جت ستات شكلها غريب ومعاها رجاله
وقتها الستات دي دخلت الفيلا وعملوا مشكله كبيره اوي مع امك وواحد فيهم كتفنا وادانا حقنه مخدره
صحينا لقينا نفسنا كل واحد فينا نايم ف حضن حد تاني انا كنت نايم جنب ست منهم وامك كانت نايمه من غير هدوم جنب راجل غريب
الشرطه هجمت علينا واتعملنا قضيه دعاره وقتها جدك بس اللي ساعدنا وخرجنا عشان اسم العيله وطردنا من الفيلا ..
كل ده كان من تدبير سالم ابن خال امك …
امك يابني مستحملتش اللي حصل وانتحرت وماتت وانا مكنتش قادر ارفع عيني فيها انا مقدرتش احميها من بطش سالم …
لازم تاخد تارنا منهم لازم تذلهم زي ما ذلونا جدك كتب وصيه وحرم امك من الميراث رغم انها كانت وريثته الوحيده وثروته كلها هتروح لسالم … لازم سالم يحس اد ايه هو كان ظالم …