الاب :. الكلام اللي هقولهولك دلوقتي يا راجح خليك فاكره لحد اما تكبر اوعي تنسي ابدا سالم وسماح الاتنين دول هما السبب في اللي احنا فيه …
راجح :. مش فاهم حاجه يابابا
الاب :. فاكر كنا عايشين فين يابني فاكر الجنينه بتاعتنا فاكر امك كل ده راح بسببهم متنساش اننا لينا الحق في كل شئ يملكوه … كل الخير اللي هما فيه ده بتاعنا احنا سرقوا مننا عيني عينك واتسببوا في قتل امك
راجح :. هي مش ماما راحت عند ربنا طب ازاي قتلوها
تنهد الاب اغرورقت اعينه بالدمع ثم احتضن ابنه قائلا :. هحكيلك الحكايه من اولها يا راجح واياك تنساها انا حاسس ان ايامي في الدنيا معدوده ومش هيسيبوني في حالي
انا اتعرفت علي مجيده امك الله يرحمها في الجامعه هي كانت بنت ناس اغنيه وانا كنت فقير افقر منها بكتير جدا
وقفت جنبي ادام اهلها لحد اما في الاخر وافقوا يجوزونا لبعض بس ده معجبش ابن خالتها سالم اللي فضل واقفلنا زي اللقمه في الزور
راجح :. يعني ايه زي اللقمه في الزور مش فاهم
ربت الاب علي كتف ابنه ثم همس قائلا :. متقاطعنيش ياحبيبي في اللي هقوله لحد ما افهمك كل شئ بس اعرف انك من دلوقتي مبقتش راجح العيل الصغير انت بقيت راجل وقريب هتبقي لوحدك الرجاله يابني مش بتحتاج ضهر وسند الرجاله بتتسند علي نفسها وانا ثقي فيك كبيره قولي انت راجل ولا لسه عيل