غفران: . ل عرفت اني مظلومه تقدر تساعدني!
تيم باهتمام: . مكتوب في التقرير اللي ادامي انك قتلتي ابوكي بسم … بصراحه انا كتيم مش مقتنع تماما ان طفله عمرها 11 سنه تقتل …
غفران بحزن: . ولو حد مقتنع حتي. القاضي في محكمه الطفل مكانش مقتنع … بس المحكمه ايدت الحكم باني قتلته وجابوني هنا لان كل الادله كانت ضدي …
نظر تيم الي رحيل ثم قال :. طيب يا رحيل هستأذنك هتخرجي علي العنبر بتاع الراحه ساعه وتيجي تاني عشان اعرف حكايتك … دلوقتي هبتدي اسمع غفران
خرجت راحيل. الي حيث قال لها … اقترب تيم من غفران ثم طلب منها ان تستلقي علي الشيزلونج لتجربه لكي تستريح …
فتح حاسوبه ثم سلط الكاميرا عليها وقال: . اليوم هو التجربه الاولي لي في التنويم المغناطيسي ساحاول ان اعرف كل ما يخبئه عقلها الباطن لمساعدتها علي تجنب مأساتها والبدء في حياتها من جديد
اقترب اكثر من غفران التي اراحت ظهرها علي الشيزلونج
نظر الي اعينها التي تشبه اعين دينا حبيبته الراحله …رغم صغر سن غفران إلا انها سحرته كما لم بسحر من قبل …تمني ان تكون صادقه وأن لا دخل لها بقتل ابيها …
تيم: . بصي يا غفران انا بعد ما أخدت بكالوريوس الطب النفسي قررت آخد كورس في التنويم الإيحائي المعروف بالتنويم المغناطيسي وده كورس أخدته على النت وده بيسهل كتير جدا في معرفه الحقيقه. وكمان بيساعد الشخص انه يخرج كل الكبت المحبوس جوه سراديب عقله ومستخبيه …مستعده تكوني اول تجربه?