قاطعه رحيل قائله: . احنا جينا نحذرك من ابله نهى لاننا سمعناها بتحرض بنت معانا اسمها نيرفانا انها تشاغلك لحد ما توقعك في الغلط ووقتها تثبت حاله وتطردك من الدار
تيم: . بتقولي ايه! !!
غفران: . اه والله زي ما بنقولك كده … عرفنا كمان ان الوزاره كلفتك ان تبات في المكان هنا عشان تكون متواجد بشكل دايم وده هيتيح ليها انها توقعك في مصيبه
نظر لها تيم متناسيا كل ما يقولان غاص في اعين غفران تلك الطفله الخمريه التي تشبه كثيرا حبيبته دينا …
استفاق ليجد رحيل وغفران ينظران لبعضها البعض في ذهول
قطعت رحيل الصمت قائله: . بص يا مستر انا غنيه جدا فوق ما تتصور وورثت فلوس عن ابويا اللي يرحمه الفلوس دي دلوقتي متجمده لحد اما اخرج بعد تلت سنين … لو تعرف حد يحل الموضوع ده حله وخد اي مبلغ يناسبك … وحارب شرها لانها مش هتسيبك في حالك ….
نظر لها تيم بتعجب ثم قال :. وليه عايزه تعملي كده؟
رحيل: . لانك راجل طيب ومش زيهم
تيم: . انا مش من النوع اللي بأذي حد … انا بسيب الشخص لحد ما يإذي نفسه بنفسه لان الشر دايما بيكون في دايره مغلقه بيلف يلف ويرجع لصاحبه
غفران: . زي الشتيمه كده
ابتسم تيم ثم قال: . ايوه يا غفران زي الشتيمه كده …انا بقي عايزكم تنسوا كل اللي سمعتوه وحاولوا تجتنبوها علي اد ما تقدروا عشان الست دي كتله شر … هنتكلم دلوقتي عن سبب دخولكم هنا … وبعدها نبتدي نفوقلها