الضابط: . طب متعرفش مين البنت دي؟
سيد: . لا يابيه اول مره كنت اشوفها
الضابط: . طب وابنهم الصغير فين؟
سيد: . يابيه انا خايف اتكلم اتأذي
الضابط: . شكلك في حاجه عارفها ومخبيها اتكلم ومتخافش احنا نقدر نحميك كويس اوي …
سيد بخوف: . بص يا بيه انا راجل فضولي بس مبتدخلش ف حياه حد انا يادوب بعرف الاخبار بس والله مبتدخلش في كلام بس هقولك كل حاجه
الضابط: . بدون الدخول في تفاصيل ملناش دعوه بيها اللي هتقوله هيفيدنا جدا في التحقيق …
سيد: . انا زي مانتا عارف يابيه شغال قهوجي في القهوه اللي ادام البيت وساكن في الشقه اللي ادام شقه اسعد الله يرحمه وشباك المنور عندي ادام شباك اوضه نومه بحيث اننا بنسمع اي كلام بيقوله لان الشباب في الشباك … لما شوفته داخل بالبنت البيت الفار لعب في عبي ولمؤاخذه دخلت البيت عشان اسمع واعرف مين البنت دي … وفعلا سمعت اسعد بيكلم مراته وبيقولها انهم هيبيعوها لناس في مكان كده اسمه دب وب مش عارف كان اسمه غريب كده وقالها ان في موقع متخصص في كده
نظر الضابط الي سيد ثم قال: . تقصد ديب ويب!
ايوه يابيه هو ده. …قالها سيد بحماسه
الضابط :. طب كمل
سيد: . بعدها البنت طلعت تجري بس انا مسيبتهاش خليت ولد صغير اسمه رضا ساكن ف الشارع يجري وراها ويشوفها راحت فين … لقاها دخلت الجامع فضل متابعها لحد ما ما قعدت مع شيخ اسمه الشيخ محمد