راحيل :. ماما انتي جايز لسه شايفاني صغيره ومش فاهمه حاجه لكن انا فاهمه كل حاجه … من زمان نفسي اسالك ازاي مركزتيش ف كلام الناس بانك تتجوزي شاب اصغر منك وكما بابا مكملش سنه
تنهدت سماح بحرقه ابعدت راحيل عن حضنها اجلست وجلست بجانبها وقالت :. لا انتي لسه صغيره ومش فاهمه يمكن مقدرش اوصلك احساس ست عاشت اكتر من 15سنه متجوزه ومتعوده تنام في حضن جوزها وفجأه تلاقي نفسها وحيده بين اربع حيطان من غير حضن من غير سند
نظرت سماح الي الجهه الاخره محاوله تجاهل نظران ابنتها ابتسمت راحيل ابتسامه صفراء ثم قالت :. اختارتي تتجوزي يا ماما بس ليه يكون اصغر منك ليه بس !!
تنهدت سماح ثم قالت :. كنتي عايزاني اتجوز راجل اكبر مني الصبح نايم وبالليل نسهر نتفرج علي التلفزيون !
صدقيني غصب عني راجح احتل مشاعر وكل ذره فيا بتتمني وجوده …لقيت فيه كل شئ الحب الاحتواء وهرجع واقولك فرق السن يمكن كان عائق بس انا حاسه اني هعيش شبابي من تاني معاه
قطع خلوتهما راجح وتكلم مقاطعا اياهم
راجح :. ايه يا حبيبتي المأذون مشي والمعازيم مشيوا مش باقي غيري انا وانتي والصغنن (راحيل )
راحيل بتحدي :. انا مش صغنن
راجح ملطفا الجو :. هتفضلي طول عمرك الصغنن بتاعنا