حكت لها غفران ماحدث بعدما دخل الاب بعروسه الجديده
ظلت رباب محتضنه إبنه اختها
اخرجت هاتفها واتصلت بأبيها اخفضت صوتها قائله:. الحقني يا بابا بنتك ريحانه ماتت … ايوه ماتت جيب دكتور واتصل عشان تصريح الدفن
رفعت صوتها عاليا تنادي علي زوج اختها قائله :. تعالي يا يزيد احكيلي ايه اللي حصل بالظبط اختي ماتت ازاي انا سايباها امبارح كويسه
لم يجبها يزيد فخرجت من غرفه ريحانه الي غرفته الثانيه
طرقت الباب فخرجت لها أمينه تكشر عن انيابها
امينه :. جرا ايه ياختي اختك ماتت الله يرحمها ادفنيها وابعدي عننا بقي وملكيش دعوه بيزيد
القتها رباب بنظره ناريه ثم قالت :. انا مليش كلام معاكي انا كلامي مع النطع جوزها
ضحكت امينه ضحكه سخريه ثم قالت :. جوز مين يا ام جوز يزيد طلق اختك قبل ما تموت بس مكانش لسه قالها اختك ماتت موته ربنا واكراما مننا للامانه سيبناها معززه مكرمه ع السرير هنا واستنيناكم تيجوا عشان تدفنوها وطي صوتك بس عشان يزيد نايم
ظلت رباب تبكي حزينه علي اختيار اختها الخاطئ داعيه الله ان يعوضها عنه خيرا بالاخره 
مرت خمس دقائق فأتي اباها ومعه طبيب وشرطي
وبعد الكشف تبين ان هناك شبهه جنائيه في موتها خاصة بعدما وجد الطبيب حقنه ملقاه بجانب جسد ريحانه بما يؤكد انها ماتت نتيجه حقنها بحقنه هواء