ثريا بابتسامه :. طبعا يا حبيبي ربنا شايفنا طول الوقت وعشان كده لازم طول الوقت تكون ريحتنا حلوه ونكون متوضيين
تيم ببراءه :. شكرا يا ماما ع الجلابيه البيضا هي ناقصها طاقيه بيضا عشان ابقي زي بابا واصلي بالناس
اخذته ثريا في حضنها وقبلته في جبهه ثم رفعت يديها للسماء قائله :. يااااارب ياحبيبي اشوفك عالم كبير زي الشيخ الشعراوي ….
امسكت يدي ابنها وخرجت من البنايه ومع زوجها عادل
ربت عادل علي كتف ابنه والابتسامه محتله قسماته
عادل :. ريحتك جميله يا شيخ ياتري خطبه الجمعه النهارده هتكون عن ايه ؟
ضحك تيم ببراءه :. عارف يابابا لما اكبر وابقي شيخ كبير زي حضرتك اول خطبه هقولها هتكون عنك انت وماما انا بحبكم اوي
احبك الله الذي احببتني فيه .: كانت تلك كلمات الشيخ عادل
فاكمل عادل قائلا :. انا من دلوقتي عايزك تدرس كويس وتحفظ كويس وتدرس سيره الصحابه وتاريخهم ولما تكبر وتكون مستعد هخليك تتكلم عن شخصيه فريده من نوعها اسمه الامام مالك ابن دينار
تيم ببراءه :. خلاص يابابا اتكلم عنه انت النهارده في الخطبه عشان حابب اول حاجه اعرفها عنه تكون منك وفي خطبه الجمعه
ضحك الشيخ عادل بصوت خافت فرحا بابنه فسأله تيم بابا انت ليه دايما بتضحك بصوت واطي
فدهش عادل من سؤاله المفاجي ابتسم ابتسامه وديعه ثم اجابه قائلا :. الرسول عليه الصلاه والسلام قال لا تكثروا الضحك فانه يميت القلب … عشان كده مش بعلي صوتي