ابتسمت ابتسامه صفراء ثم قالت: . وده اللي بيسموه شفقه ما بعد الشفقه … انت مشفق عليا يا تيم يمكن ف الاول كنت عجباك لكن قولي ايه اللي يخليك تحبني …جناني اللي كلهم شايفينه ولا النكد والحزن اللي احتلوا كل مشاعري … الرجاله عموما بيحبوا البنت اللي بتضحك دايما وتهزر اللي لما بتجوزها تنسيه تعب شغله طول النهار بضحكه جميله منها لكن انا مش كده انا كتله حزن ويأس …مش هينولك مني غير سواد هيتحاوط بيه العالم بتاعك
قاطعها تيم قائلا: . شششششش ومين قال ان حياتي معاكي هتبقي سواد انتي النور اللي مجرد ما يتم ذكر اسمه بحس بانتشاء رهيب وكاني في سابع سما
قاطعته بانفعال قائله: . انت مش فاهم حاجه انا هضرك هأذيك هتكره نفسك وتكرهني عارف يعني ايه سرطان ؟
يعني عمليه هعملها وياعالم لو قومت منها الكيماوي هيعمل ف شكلي ايه …وقتها هنكمل شفقه ع انسانه حبيتها لكن مش هتشوف نور هتشوف ضلمه وبس ووقت ما اموت هتحس ان الدنيا انتهت وانا مش عايزه يحصلك كده … انت حد وقف جنبي وسندني في وقت قهري وسندتني من غير حتي ما تحاول تقرب انت هديتي من ربنا يا تيم…
ترقرقت دمعه دفينه من عيني تيم ثم قال: . اولا مفيش شفقه بين اي اتنين بيحبوا بعض انتي حبتيني ومتاكده اني بحبك … مفيش شاب بيعمل اللي عملته عشان بنت بيشفق عليها لازم يكون بيحبها …جايز تكوني فكراني بعايرك اني كنت بقف ف ضهرك بس انا هفهمك قصدي دلوقتي …