فاجابته امينه: . حساك ندمان انك اتجوزتني قولي هو انا اثرت معاك في حاجه …انا قايدالك صوابعي العشره شمع
فاجابها يزيد قائلا: . البنت هربت من اذيتك ليها …لما اخذتها من الشيخ وركبتها العربيه فضلت تعيط لحد ما اغمي عليها وفضلت تخطرف بجمله واحده (انا صحيت ياطنط امينه ابوس ايدك متضربينيش)
شعرت امينه بالقلق وتغيرت معالم وجهها ثم قالت: :.والله ولا كلمتها ولا عملتلها حاجه انت ماسك فيا وناسي انها كانت هتسجننا
صرخ فيها يزيد قائلا: . انتي كل همك نفسك وبس …البنت شهدت باللي حصل ومكدبتش واللي ماتت امها وانا وانتي السبب ف قهرتها وموتها …وانتي كمان سخنتيني لحد ماتسببتي في موت ابني …عايزاني اموتها كمان
انفعلت امينه عليه وهتفت قائله: . وانت مادام بتحبهم اوي كده اتجوزتني ليه وضربت ابنك لحد ما موته ليه
نزلت الدموع من عين يزيد طأطأ رأسه بالارض قليلا ثم قال: عندك حق انا اللي غلطان وانا اللي عملت كده في نفسي. بس اهه هصلح غلطي انتي طالق يا امينه
امينه بانفعال: . طالق طالق دانتا حتي راجل معقد ومتتعاشرش ورقتي ترصلني وديني لاففلك حولين نفسك
لما يتمالك يزيد اعصابه وانقض عليها كالثور الهائج لكمها علي وجهها بقوه اكثر من مره حتي كادت ان يغشي عليها اغراه ضعفها فامسك عنقها يريد التخلص منها حاولت التملص فلم تفلح. صرخت بصوت مبحوح
ظل ممسكا برقبتها حتي سمع صوت غفران.
وهي تقول :. سيبها يابابا كفايه بقي كفايه امي واخويا
استفاق علي صوت وحيدته وترك امينه
ظلت امينه تسعا ووجها احمرا كفاكهه الطماطم …حتي رجع لونها واستعادت رباطة جأشها