نظر تيم للارض خجلا لم يستطع النظر اليها فأكملت قائله:.طبيعي يا حبيبي احساسك ده انك تحس ان في بنوته مميزه وتقرب منها ..لكن انت لسه صغير اوي وقلبك لسه نقي …
رفع تيم راسه ووجه نظره اليها ثم قال مغيرا للموضوع :. ماما هو يعني ايه اصحاب الخطوه
فهمت احسان انه احب تغيير الموضوع فلم تعقب
ثم اجابته قائله :. هيكون ليك شأن كبير في الدين …كونك عرفت اسمي في الحلم وابو طلب منك تيجي معايا …وكون قلبك عامر بالايمان ده معناه ان معاك خدمه نشطه
ذم شفتيه دليل ع عدم فهمه فأكملت قائله :. لما تكبر هتعالج الناس وهتشفي العليل زي ما كنت ان يكون ابني
(غفران)
اشرقت شمس الصباح الحارقه لقلب غفران …زقزقات العصافير كانت تفرحها قديما ولكنها الان تؤذيها فلكل صباح عزاب ولكل نهار ظلا من الجحيم تبغضه كبغضنا للجحيم … اصبحت تكره الدنيا وماعليها …لا تري منها سوي انها غابه كثيفه الاشجار ولكن الافاعي. متراصه بها وكأنها وجدت لتقتلها …
فتحت اعينها علي صوت ابيها وهو يكلم زوجته …حاولت تذكر ما حدث بالامس وكيف رجعت لبيت الاشباح كما كانت توصفه
كان صوت ابيها عاليا فسمعته يقول :. والله يا امينه البت دي تعبتني وقرفت منها …بس هروبها آثر فيا … انا مش وحش زي ما هما شايفيني والله ماوحش بنتي كرهتني اللي حصل لامها مكانش بسببي انا راجل ومن حقي اتجوز