فأجابها قائلا :. بابا علمني طريقه حلوه للدعاء قالي ان الصلاه علي النبي بتصل السما اسرع من البرق وعشان كده ممكن نصلي علي النبي وبعدها ندعي وبعد الدعاء نختم بالصلاه ع النبي وبكده دعوتنا توصل وكمان تستجاب …
انزلت رأسها وقبلته من جبهته ثم قالت :. انت هتكون حاجه كبيره اوي عندك ربنا وهتخدم دينك وهتخدم الناس … كل الامارات بتقول انك من اصحاب الخطوه
ذم شفتيه ثم سألها :. الخطوه اللي بنمشيها دي؟
ضحكت احسان علي برائته ثم قالت :. هفهمك بعدين انا قصدت اخليك تمشي كتير عشان تزيد لهفتك علي المفاجاه اللي محضرهالك ..
اجابها قائلا :. مش هتقولي برضه هي ايه ؟
بص ادامك وانت هتعرف… قالتها وهي تبتسم
نظر تيم امامه فلم يجد سوي مجموعه مطاعم وكافيتيريات سياحيه فاجابها قائلا :. هتأكليني بيتزا صح ياماما ؟
ضحكت ثم قالت :. عيني يا قلب ماما لكن مفاجئتي اكبر
ظلت ممسكه بيديه حتي دخلا احدي المطاعم ظل ينظر وهو مبهورا بمايراه فقد كانت اول مره له يدخل مطعما سياحيا ..
ظل ينظر اليهم متفحصا المناضد والجالسون عليها حتي لمح اصدقائه ينظرون اليه ويبتسمون … ظهر ايتسامته اكثر فقد فرح كثيرا … احتضن احسان بقوه وهتف فرحا :. دي مفاجاه حلوه اوي انا بحبك اوي يا ماما