فتح عينيه فوجدها امامه تمسك بالعباءه …تفاجئ تيم وشعر بالفرح اخذ من العباءه وهو فرح ظلت ابتسامتها مرتسمه علي ثغرها ثم قالت :. لا بقي في هديتي انا ؟
نظر تيم الارض خجلا ولم يرد فقد ظن انها تتكلم بجديه
ضحكت احسان لخجله ثم قالت :. فين بقي بوسه ماما
وقف فوق سريره واحتضنها بقوه ثم قال :. شكرا يا طنط
ربتت علي ظهره بعدما اغرورقت عينيها بالدمع ثم قالت :. لا قولي يا ماما وانا اوعدك اني هكونلك زي ماما واكتر كمان …
سألها ببراءه :. هو انا هخرج امتي ؟
فاجابته قائله :. هساعدك تغير هدومك ونخرج علي طول لاني محضرالك مفاجات كتيييير اد الدنيا
سالها بلهفه :. مفاجات ايه ?
اصطنعت الجديه وهتفت قائله :. لو قولتلك مش هتكون مفاجاه …
بعد وقت قصير خرجا سويا من باب المستشفي ليري الشوارع من جديد … كان ينظر حوله بلهفه واشتياق للشوارع كان متلهفا للنظر الي السماء
رفع يديه للسما داعيا الله ان يغفر لابويه فرفعت احسان يديها خلفه وقالت :. اللهم امين
ابتسم لها ثم شكرها ردت له الابتسامه ثم قالت :. عايز دعوتك تستجاب ؟
فاجابها :. كل الدعوات بتستجاب حتي من الكافر
فقالت :. طبعا ربنا قال ادعوني استجب لكم بس انا اقصد سرعه الاجابه ع الدعوه ..