تيم: . تعرفي اسم الدكتور ده ؟
نيرفانا: . اعرف اسمه ومعرفتش اوصله بس عارفه حاجات كتيييير عنه الدكتور ده شغال في شغل شمال ولمؤاخذه
تيم بتركيز:. دعاره يعني!
نيرفانا: . لا بيع اعضاء الدكتور ده عنده مستشفي كبيره جدا وكنت بسمع طراطيش كلام منه وبسمع اتفاقياته في الفون علي العمليات اللي بيعملها
تيم: . هربتي منه ازاي؟
نيرفانا: . الفيلا بتاعته كانت من غير حراس ….يمكن كانت في مكان بعيد وشبه خالي بس كان سهل اهرب ….رغم انه دايما كان قافل الابواب بس الهروب مكانش صعب
هربت ورجعت لمكاني تاني وعرفت ان رامز قتل شمس اللي سرقه ودخل فيه السجن بعد ما اكتشف انه هو اللي سرق فلوسه …. مقدرش اوصل لشئ …بس كان لازم استمر في الشغل عشان اقدر اعيش واحقق حلم رامز باني في يوم هعيش في مكان محترم
وابتديت اشتغل علي مدار تلت سنين لحد ما قابلت صفاء اللي سرقت رامز وهي متغيره …. صفاء كانا عشرينيه بس من النوع اللي الجلخ ثابت في شكلها مهما حاولت تنضف باينه ان الاساس قذر
عرفتها من اول ما شوفتها …بس هي معرفتنيش
كانت ماشيه في الشارع وفضلت ماشيه وراها لحد ما عرفت هي ساكنه فين ….وقررت اني اخد حق رامز منها
واخدت حقه فعلا
تيم: . عملتي ايه!