فتح باب غرفتها وادخل رأسه فقط وهو مبتسم فبادرته مسرعه قائله :. انت ازاي تفتح الباب من غير ما تخبط لو سمعت اقفل الباب
نظر راجح الي الارض وكأنه محرجا ثم تكلم معتذرا قائلا :. انا بس جاي اقولك حاجه وحابب تسمعيني لو سمحتي …
زفرت راحيل في ضيق ثم نظرت اليه وتكلمت قائله :. اتفضل
راجح :. انا اسف اللي حصل مكانش المفروض يحصل انا عارف اني حيوان وزباله واوحش حد ف الدنيا بس انا مقصدتش اللي حصل ده
رفعت راحيل حاجبيها وابتسمت بسخريه قائله :. ازاي متقصدتش وكان واضح اوي من كلامك انك كنت مرتب ده …
راجح :. انا هقولك سر واتمني متقوليش لماما بس توعديني الاول ممكن
راحيل :. سر ايه اللي عايز تقوله وده على اساس انك بتثق فيا اوي !!!
راجح:. انا مس هقدر احكي لوالدتك السر ده لانها وقتها ممكن تسيبني
سرحت راحيل في الفراغ فكرت ان تسمع منه السر ثم تخبر به امها كي يكون حجه قويه لتخرجه من حياتها
اصطنعت الابتسامه ثم قالت بخبث :. خلاص قول
تنفس راجح الصعداء ثم اكمل :. انا عندي ورم خبيث في المخ في المرحله التالته وقريب هسيب الدنيا واموت من اول ما عرفت الخبر ده وانا بشرب عشان انسي اني هموت انا مش عارف ليه بقيت وحش كده بس لما صايقتك مكنتش في وعيي حقك عليا