واكمل متسائلا :. متخافيش ومش عايزك تعيطي احكيلي ايه اللي حصل في اليوم اللي ماما ماتت فيه من اوله لاخر
نظرت غفران الي ابيها ولم تنطق كان يرميها بنظرات غاضبه ففطن له وكيل النيابه أمر باخراجه هو وزوجته ليتسني لغفران الكلام ….
ابتدت غفران الكلام بعدماخرج ابيها وزوجته
غفران ببكاء :. بابا كان كل يوم يشتم ماما وهي كانت دايما بتعيط بعد ما بينزل ودايما كان بيدعي عليها ويضربها ادامنا وهي كانت بتعيط بس وتدعيله ربنا يهديه لحد اخر يوم كان عايز ماما تبيع دهبها فرفضت فاخده منها بالعافيه وقالها انه عنده مشكله لازم يحلها
وفي الاخر رجع ومعاه واحده تانيه ولما سالته مين دي شتمها ماما دخلت اوضتها وهي بتعيط … ولمادخلت اشوفها لقيتها ماتت صرخت وناديت لبابا عرف انها ماتت بس سمعته بيقول انه مش هيقول انها ماتت عشان هو عريس جديد
ظهر الضيق علي وكيل النيابه وقف وركل المكتب بقدمه ونادي بأعلي صوته الي العسكري الواقف بالخارج
دخل العسكري مسرعا مؤديا التحيه العسكريه الي وكيل النيابه
فتكلم بعصبيه :. دخلي يابنتي يزيد وامينه
دخل يزيد وامينه وهما خائفا فقد سمعا صوته الجهوري مما بث في قلوبهم الرعب
نظر لهم بازدراء ثم قال :. انا اقدر احبسك دلوقتي بتهمه سب وقصف ريحانه ومعايا شاهده ومن الدرجه الاولي … بس للاسف اخاف تإذيها اما تخرج اللي زيك لا عنده دم ولا انسانيه ولا حتي نخوه …. اللي زيك انعدمت في قلبه الرحمه بإنه يكسر قاروره الرسول وصاه
بس عقابا ليك انا مش هحاسبك انا هخليك لعذاب ضميرك وانت شايف عيالك بيكبروا كل يوم وهما عارفين انك سبب في موت امهم