دينا بتساؤل: . هو بيتعامل بالسحر
ضحكت احسان بقوه ثم قالت: . لا بس بيقدر يقرا افكارنا وهو بعيد … تيم طلع من الحادثه مختلف بقي يقرا الافكار. في البدايه كان بيكون مشوش بس درب نفسه وبقي يتواصل مع اللي بيحبهم من بعيد … بقي له صحاب بس مش من عالمنا بيساعدوه في علاج الممسوسين بدون سحر …
دينا: . مخاوي يعني!
احسان والابتسامه تحتل قسماتها :. سمعتي قبل كده عن متلازمه ستوكهولم؟
دينا بفضول: . احب اسمع منك
احسان بود: . في مدينه ستوكهولم بالسويد في عصابه هجمت علي بنك وسرقوا واخدوا كمان رهاين اتقبض عليهم بعد 14يوم بس
الغريب ان في المحكمه هيئه المحلفين اللي هما المستشارين عندنا …وهما بيستشهدوا بالرهاين لقوهم متعاطفين مع الجناه …
الموضوع كان زي الخيال العلمي … علماء علم النفس قالوا اني دي متلازمه بيصاب بيها المجني عليه ويتفاعل مع الجاني ويتعاطف معاه .. واتسمت بمتلازمه ستوكهولم
تيم لما درس علم نفس قدر يوصل لفكره اعمق
دينا بفضول: . فكره ايه؟
احسان بثقه: . تيم ابتدي بعمل تجارب عليا انا وقتها كنت مريضه بكسور ف يالشريان التاجي وكنت حرفيا بموت
تيم ابتدي يدي اشارات لمخي بأن القلب سليم … ودخلت العمليات وانا واثقه باني سليمه … ورغم خطوره العمليه الا انها نجحت تماما