المديره بابتسامه :. وليه ياريتني !!! انتي من النهارده قوليلي يا ماما وفي اي وقت تحتاجي حاجه تعاليلي في المكتب بتاعي
وانتوا كلكم من النهارده تقدروا تقولولي يا ماما بس للامومه شروط اولا الطاعه … الطاعه يابنات مش شرط تكون طاعه عاميه …يعني طول مانا بطلب منكم طلبات في قدر استطاعتكم نفذوها لكن لو طلب فوق استطاعتكم تقدروا تعترضوا … في منكم بنات جم هنا ظلم وانا متاكده من كده … بس دي الدنيا مش كلنا بناخد حقنا فللسبب ده احنا هنحط ايدينا في ايد بعض عشان نكون واحد
شعرت بالاستفزاز من ضحك احداهن فنظرت لاتجاه الصوت لتجد غفران تضحك بسخريه فسألتها قائله :. البنت اللي بتضحك ما تضحكينا معاكي ايه اللي مفرحك كده هو انا بقول نكت؟
غفران: . لا اصلي بصراحه مش مقتنعه بالطيبه والحنيه دي … طوابير صبح وليل بتعملوها عشان اللجنه اللي بتيجي وبتاخد منك التمام … لكن بعد ما اللجنه دي ما بتمشي بتتحولي من الحمل الوديع لامنا الغوله
ضحكت البنات اثر جملتها الاخيره
حاولت المديره ان تكتم غيظها فقالت: . انا لو امنا الغوله فانا اقدر احاسبك علي كلامك ده وقانوني وعندي الوان كتير اوي من العقاب بس ده مش وقته … حسابك معايا بعدين … انتي من بوم ما جيتي وانتي مصدر للفوضي …