انا مش بحب الشاي. انا بحبك انت يا تيم
ارتفعت اساريره ثم قال مبتسما: . من النهارده هترجعلك ضحكتك …هتبقي احسن من الاول. …انا في البدايه حبيت فيكي شقاوتك وانطلاقك. ضحكتك اللي دايما مرسومه علي شفايفك …حبيت هدوئك …حببت جنانك … جريك تحت المطر … كنت بستمد طاقتي بيكي. …بس لما انطفيتي كل شئ اتغير خصوصا مع احساسي بالعجز في اني اساعدك
نظرت له دينا وهي مبتسمه: . انت خوفت تقرب لاكسفك بس في نفس الوقت كنت سند ليا حتي لو من بعيد. كنت بحس بالامان في مكان انت فيه … كنت بدخل هنا عشان احس بس بالدفا.
تيم منتشيا: . بعشقك …
احمر وجنتي دينا طأطأت راسها ثم قالت: . وانا بموت فيك
امسك تيم يديها احتضنها بكفيه مسد عليها ليشعرها بدفئ يديه قربها من شفتيه اغمض عينيه فأغمضت عينيها ثم طبع قبله خفيفه عليهما ….
ظلا مغمضين عينيهما وقتا ليس بالقليل حتي استفاقا علي صوت احدي العاملين بالكافيتيريا وهو يتحدث بضحك قائلا:. وعندك اتنين لمون وشجره هنا لجزيره العشاق
فتحا فوجد الجميع ينظرون اليهم والابتسامه علي محياهم
ظل ممسكا بيديها ثم وقفا …جريا خارج المكان لينعما بخصوصيه الحب بعيدا عن اعين البشر
ظل ممسك يديها برفق حتي سألته: . انت ارتبطت قبل كده. اشاح بوجهه عنها كي يداري ما يخبئه قلبه
فأكملت: . بص انا عارفه ان الشباب قلبهم قلب رمان فالماضي مهما كان مش فارق معايا ومش هيأثر في علاقتنا. …