اطفأ هاتفه ثم اغمض عينيه وقلبه منقبض من الألم يعتصر يديه حزنا وقهرا تلالأت دمعه دفينه في مقلتي عينيه … تذكر اول لقاء له مع دينا … لم تكن دينا حبه الاول ولكنها كانت حبه الاقوي. تراجع بذاكرته سنينا للخلف شعر وكأن جسده يتتطاير به ليجد نفسه ممسكا بصينيه تقديم بها زجاجه ماء صغيره وفنجان من الشاي. اقترب من احدي المناضد ليقدم المشروب لزبونه جالسه عليها ..
تيم :.اتفضلي الشاي يا انسه
دينا:. ميرسي …تسلم ايدك
نظر لها تيم بتعجب ثم قال:. تعرفي ان ده فنجان الشاي رقم 5 اللي تطلبيه النهارده ومتشربيهوش !
دينا: . لاني مبحبهوش اساسا
تيم بتعجب: . اومال بتطلبي شاي ليه!
دينا بحنق: . بصراحه مش عارفه بس انا عارفه حاجه واحده بس
تيم بتساؤل: . يا تري ايه هي؟
دينا: . ان ده شئ لايعنيك اطلاقا .
حاول تيم ان يكظم غيظه فلم يستطع قال بانفعال: . لا ….يعنيني يا دينا. ويعنيني جدا علي فكره واديت الحق لنفسي اني اسال
دينا متدعية التعحب :. عرفت اسمي ازاي انت مراقبني بقي! !!
تيم: . كنت براقبك بسبب افعالك الغريبه …بتقعدي لوحدك دايما شويه تضحكي وشويه تعيطي …شويه تسرحي وشويه تغني وترقصي وكانك ميكس غريب من مجموعه بنات مجانين
دينا بامتعاض: . مجانين! !