للعشره الصبح احس صرت احسن
خطيه نايمه على الكرسي وهيه لازمه الكماده بايدها
منى…يمه تعاي نامي على فراشج اني صرت احسن
فزت خلت ايدها على وجهي
امي…اخذج للمستشفى
منى…لا صرت احسن تعاي نامي
صعدت على الفراش ونامت واني رحت كملت نومتي بغرفتي
جمانه السعيدي
بعد شهر تقريبا انتقلنا البيتنا الجديد
بعد مافرشنا ورتبنا اني كعدت اقرا واحضر للسنه الجديده
هلمره ناويه عليها لازم انجح واطلع معدل
واساعد امي بلتنضيف
بلعلطله اجت خالتي تطلب ايدي لابنها مصلح دراجات
خريج صناعه
امي…ماتفيدج
سعاد…شلون ما تفيدني بت اختي واحسن مااجيب غريبه
امي…ما مفكره بلزواج
سعاد.. هذا شلون حجي شنو ما مفكره بلزواج
امي….ولله اني اريدها تكمل وتتوضف
سعاد…اي تكمل اني ماكلت شي حتلو تردين يعرسون هنا يمج بيتج ميخالف بيت خالته مابيها شي
امي….هسه اصيحها اللج واسئليها منى منى تعاي خالتج تريدج
جمانه السعيدي
منى …هااا خاله
سعاد…اني اريدج المرتضى
منى…بس اني ماريد ازوج
سعاد…شنو هذا الحجي شنو ماتزوجين