رواية بنت المصري ومؤذن الحي الفصل العاشر 10 بقلم جمانه السعيدي – للقراءة المباشرة والتحميل pdf
مع الأسف ما تستاهلين حبي وتقديري اللج
منى….سامحيني هاي اول واخر مره اغلط هيج غلط
اني ماعندي غيرج بهاي الدنيا بروح ابوي عليج
سامحيني واني بعمري مراح اسوي شي غلط مره ثانيه
اني مااكدر اتحمل زعلج عليه
ولله انضحك عليه كسر خاطري ضل يكول وحيد ومحد يريدني واني هم صدكته سامحيني الله يخليج
امي…اطلعي برا مالي كلام وياج اطلعي ليش انجلط بسببج
منى…كمت طلعت من غرفتها بس مابطلت ابجي
شكد مقهوره هلكد ما مقهور وابجي ولا اكل ولاشرب
صخنت حيل
احس جسمي شعله من نار صار الساعه ثنتين بليل
صحت ماما ماما
صوتي كوه يطلع مااكدر احجي هلكد ما مصخنه
كمت لزمت الحايط امشي على كيف
قربت على غرفتها دكيت الباب ماما الحكي عليه
ووكعت مااكدر اوكف على رجليه هلكد ما مصخنه
طلعت امي شافتني واكعه باب غرفتها
دنكت لزمتني نار
امي.. يمه ابنيتي كومتني دخلتني بغرفتها
طلعت ابره خافظ حراره وضربتني رجعت جابت مي بارد وسوتلي كمادات
هيه منا تعبانه وضغطها صاعد والنوب انهبطت عليه
للصبح ما نامت بس كاعده يم راسي وتبجي
جابلتي شوربه دجاج وكلتني
الصبح جابت حليب شربت
كامت شدة راسها هلكد ما يوجعها بسببي
عايفه نفسها ومحتاره بيه