اجت علينا وحده من الجوارين تسئل امي على جنتها
حتى يحسبن سوه يمتى تدخل بشهرها
رحت خدرت جاي وقدمتلها
من طلعت وصلتها للباب لمحت هيثم واكف كبال بيتنا
يمه كلبي وكع من الخوف
راسا طبكت الباب بسرعه طبعا هو متعمد يوكف كبال الباب يريد يخوفني منه
رواية بنت المصري ومؤذن الحي الفصل السابع 7 بقلم جمانه السعيدي – للقراءة المباشرة والتحميل pdf
كبل دخلت الغرفتي شويه امي صاحت
امي…منى راح اطلع اشتري كلوب واجي كلوب الحمام احترك
منى…لا ماما الله عليج فدوه لا اطلعين
امي…شبيج ليش هيج خايفه
منى…اي ااي اني خايفه لا تعوفيني وحدي الله يخليج
امي…بطلت مااطلع ماكو داعي خلي الحمام اضلم
حضرت امي عشه كعدت اكل على كيف مالي واهس بلاكل
بس اذا مااكلت امي تتخبل عليه
كعدنا نتفرج تلفزيون بس اني دماغي مشغلول
اذا باجر رجع شلون مبين مراح يعوفني بحالي
قررت احجي الامي بس لازم ادخل عليها بموضوع واربطه بقصتي واشوف ردت فعلها شنو قبل لا احجي وافضح نفسي
منى…ماما اريد احجيلج قصة صديقتي
امي…شبيها صديقتج
منى…تحب واحد. وعلاقتها هيه وياا قويه
امي…شنو هذا الحجي وينها وين الحب بعده طالبه
تهتم بمدرستها تقرا وتنجح الحب مو مال هيج عمر
بعدها زغيره وما تكدر تتحكم بمشاعرها