امشي ومااشوف غيره عبالك ماكو احد بلدنيا غيره
بس هووو وبس
امي كانت جوه راجعه للبيت واني ماادري
رواية بنت المصري ومؤذن الحي الفصل الرابع 4 بقلم جمانه السعيدي – للقراءة المباشرة والتحميل pdf
على صوت التكمز صاحت هااا شكو
منى..خفت منها ماكو شي بس بس رونق تكول وزوعو الاوراق من طلعتي وأخذت ورقتج
ناحجه ماخذه درجه كامله
امي…انتن مو اطلعن سوه شلون طلعتي قبلها
منى…اليوم طلعت قبلها
امي…ووين الورقه خل اشوفها
منى…نسيتها يم رونق
اجيت انكشف على غلطه بسيطه مني
بليل دخلت غرفتي اقرا بس ماجنت اقرا
عقلي جاي يعيد الكلام عليه مثل الشريط كلمه كلمه
ما مصدكه اكو واحد يحبني هيج
وكل اشويه اباوع للمرايه اشوف نفسي شلون حلوه
شلون اني حلوه بعين هيثم
ثاني يوم قررت ارجع اسئل رونق عنه اريد اعرف معلومات عنه اكثر وافاجئه
منى…اكلج رونق ليش هيثم لسه مامزوج
رونق…انتي شبيج الخاطر الله ليش ما تبطلين تسئلين
عن هيثم
خاف اكو شي احجيلي
منى…لا ماكو شي بس مستغربه لان انتي ابد ما تحجين عنه
رونق…وليش مستغربه هو ماعايش ويانا
بعدين ليش احجي عنه اهتم بدروس احسن مااحجي عن موضوع ماله اهميه
منى…انتي تكرهينه
رونق…لا اكرها ولا احبه ماعندي شي ويااا
منى…غير اخوج
رونق….اهوووو انتي صاير بعقلج شي شبيج بس تحجين عن هيثم