رواية بنت المصري ومؤذن الحي الفصل الرابع 4 بقلم جمانه السعيدي
بس اني غلطت بدون وعي مني
ماكنت متقصده اغلط هيج غلط
دوام و ولادات أثناء النهار كان اهتمامها بيه
على الهامش يعني فارغه تسئلني شسوتي اليوم
شعندج من تحضيرات
مافارغه وتعبانه ما تسئلني لا تدري بيه
اني موجاي اللومها لا اني اللوم نفسي لان هيه مشغوله
بلدوام والعمل بعد الدوام
حتى توفرلنا حياة كريمه حالنا حال الناس
بلاضافه للبيت الي جاي تبتي بي
وماخذ كل تفكريها
وهيه هم تجي بيتنا علمود ندرس سوه
امي ابد ماكانت تمانع اذا طلبت منها اروح ادرس ويا صديقتي لان تشوف البنيه تجي يمنا دائما
البنيه حبابه ومؤدبه وتصرفاتها حلوه
بعدين بيتهم مابي ولد كبار عدهم ولد زغيرر
عمره عشر سنوات
اول بداية تعارفنا كانت علاقتنا عاديه الحد ما خلصنا متوسطه
بلمتوسطه ماكنت اشوف شي مو طبيعي
بس من انتقلنا اللاعداديه
تغير كلشي بلنسبه اليه
بيوم امي طلعت عدها ولاده واني حبيت اروح ادرس ويا رونق بيتهم