ملعب مثل هيثم يضحك عليها بسهوله
رواية بنت المصري ومؤذن الحي الفصل الخامس 5 بقلم جمانه السعيدي – للقراءة المباشرة والتحميل pdf
بعد كم مكالمه بيني وبين هيثم طبعا اني لان حبيته حجيتله كلشي عن حياتنا حتى راتب امي يعرف شكد
ويعرف شكد تحصل من الولادات
ويعرف عدنا بيت نبني بي
بالمختصر حجيتله كل تفاصيل حياتنا من يوم نولدت لليوم الي شفته بي
وهذا اول واكبر غلط وكعت بي من تعرفت على هيثم
من عرف كلشي عني وعرف اني شكد ثوله وممكن يضحك عليه بسهوله بدا يدخلي بغير أساليب
هيثم…خاف اختفي عنج كم يوم لان لازم ادور شغل
اذا مااشتغل يعني يكتلني الحوع
اريدج اصبرين عليه وتتحمليني
شوفي اني ماصدكت لكيتج
اخيرا رب العالمين اختارلي انسانه صح تكون بحياتي
وتوكف وياي
اريد اطلب منج طلب ابد لا تعوفيني وحتلو رونق حجت عني كلام موحلو لا تصدكين فهمتي لو لا
رجعت للبيت وبقيت منتظره مكالمه منه
اذا اتصل ووحدي بلبيت ارد علي
واذا ماما موجوده اخذ التليفون بغرفتي واكول صديقتي جاي تتصل عليه
من شاف نفسه سيطر عليه وشافني احبه ومتعلقه بي
بدا ينفذ خطته الخبيثه وياي
بيوم اتصل عليه وكان باين على الحزن
بلكوه يحجي
منى…شكووومبين ضايج
هيثم…ماكو شي مااريد اضوجج وياي اني اتصلت حتى اسمع صوتج وارتاح
منى…لا احجي شكووو اني اضوج اذا اعرف انت ضايج