رواية بنت المصري ومؤذن الحي الفصل الثالث 3 بقلم جمانه السعيدي – للقراءة المباشرة والتحميل pdf
وهاي الابر تنباع بلدولار وهمه ضروفهم على كدهم
مراح يكدرون يتحملون هيج تكلفه
وحتى امي ماتكدر تتحمل هيج تكلفه غاليه عليها
بقا قبر بابا بلعراق
منى بعد أيام العزا ماخلصت سمعت امي تحجي ويا بيبي
احلام…اتمنى راتبه زين جان حولته الاهله بمصر
بس الراتب كلش قليل مايسوه
واني هم راتبي قليل لو ما الولادات جان كتلنا الجوع
وصل النا خبر اهل بابا بمصر مسوين عزا البابا
وموزعين اكل بثواب روحه
من هاي اللحظه انقطعت اي علاقه النا بمصر
بعد ماعرفنا اخبار بيت جدي شنوووو
منى…بعد وفاة بابا امي خطت قطعه حديد زغيره
بيت المصري محمود أبو منى
زوج القابله ام منى
رفضت تكتب على القطعه بيت القابله ام منى وبس
تريد كلمة بيت المصري ما تتغير
نبقى طول عمرنا يسمونا بيت المصري
اني افتخر ابوي مصري
امي خصصت كل وقتها للشغل حتى تكدر أسد احتياجاتنا للحياة وما نحتاج اي احد
الحمد لله رب العالمين ساترها ويانا
صارت كل المسؤليه عليها
الإيجار والامبيرات والمسواك ومصاريف المدرسه
رب العالمين ابد ما ناسينا امي تقريبا كل اربع خمس ايام اجيب وحده لو ثنيبن ورا رزق رب العالمين
سنة ٢٠٠١ ازوج خالي بيت جدي بعد ما عاف المدرسه