والمحل بتاعه موجود فى البيت اللى على يمين بيت عيله الحداد واللى بناه الحاج عاصم لاحفاده عاصم وعز وكل واحد فيهم ليه شقه خاصه فى البيت عشان يتجوز فيها .
رواية بنات النجار كامله وحصريه بقلم جنات – للقراءة المباشرة والتحميل pdf
بقلم الكاتبة جنات
ــــــــ★ــــــــ
نروح بقااا لبيت عيله النجار البيت اللى قدام بيت الحداد .
البيت اللي ريحته دايمًا خشب ونشارة بس جواه حكايات أصلب من الخشب نفسه … البيت اللى مقسوم نصين نص فيه الرضا والأدب ونص فيه الطمع والخبث.
بيت عيله النجار بيتكون من ٣ ادوار .
الدور الارضى وده فيه ورشه النجارة ملك العيله بس اللى ماسك الشغل هو الحفيد الوحيد للعيله وهو مجدى عبد العزيز النجار .
والدور التانى الدور الخاص بشقه عبد العزيز الابن الاكبر لعيله النجار واللي عينيه ما بتغمضش دايما بيفكر ويخطط ازاي يسيطر على كل حاجة
و ابنه مجدي نسخة طبق الأصل من أبوه في الخبث والطمع .
ومراته سعاد كانت الوحيده اللى بتتميز بطيبه قلبها فى ام الاسرة الحقودة دى بس توفاها الله .
بقلم الكاتبة جنات
ــــــــ★ــــــــ
اما الدور التالت فده الدور الخاص بمنصور النجار وبناته .
منصور كان قاعد فى اوضته وعلى سرير .
الباب خبط .
منصور ابتسم:تعالى يا بنتى .