رواية بنات النجار كامله وحصريه بقلم جنات – للقراءة المباشرة والتحميل pdf
منار:زى الفل اهو قدامك .
مديحه:راحه المدرسه .
منار بضيق:هو انا ورايا غيرها !!
مديحه ضحكت:يا بنتى حبي يا تعملى عشان اللى بتعمليه يحبك .
منار:ونبي مانا عايزاه يحبنى يا ديحه … دى شغلانه فقر .
مديحه ضحكت:ونبي يا بت يا منار انتى زى السكر ربنا يفرح قلبك .
منار:روحى يا ديحه يلا سلام مؤقت .
مديحه:سلام يا منورة .
عاصم عينه على عز اللى بيبص على منار .
عاصم:عينك ياض احنا منرضهاش لاختنا .
عز بصله ولف وشه .
عاصم:ما تتحرك وتروح تتقدملها انت والاهبل التانى اللى عمال يحب اختها فى السر .
عز:مش لما اعرف هى جواها ايه يا ابن عمى ؟!
عاصم:انت غبي يا بنى …. حتى لو جواها حاجه هتيجى تقولك مثلا … وبعدين بنات النجار مافيش فى ادبهم واخلاقهم دول مابيرفعوش عينيهم من الارض .
عز بسخريه:الا ام لسان طويل اللى انا متنل وبحبها دى ماشيه تشاكل دبان الحارة يا جدع .
عاصم ضحك:ماهما اللى بيعصبوها .
عز:وهى ما بتصدق ولسانها ده اللى لما بيتفتح كأنه ماسورة وضربت ومستحيل تتقفل بسهوله .
عاصم ضحك وعينه على الزبون اللى دخل محل عز:طب روح شوف شغلك يلا .
عز قام وهو بيضحك وراح على المحل بتاعه ..