عز كان قاعد بيناقر في منار اللى بتحاول تخلص شغل مدرستها وهي بتاكل وعز بيقولها:يا ست المدرسة ابني ده هيطلع بيفهم في الأصول مش في النحو والصرف.
رواية بنات النجار الفصل السادس 6 والاخير بقلم جنات – للقراءة المباشرة والتحميل pdf
منار ضحكت: هيطلع بياخد حق الحارة كلها بلسانه زي أمه.
خالد وإيمان كانوا في قمة الهدوء والرواق خالد بقى عنده أكبر مركز صيانة عربيات في المنطقة وأبوه الحاج درويش بقى شريكه الأساسي وإيمان كانت بتبص لخالد بامتنان وكأنها بتقول له ”انت كنت الأمان اللي استنيته”
أما فتحي وفاطمة فكانوا هما راديو السفرة اللى مش بيبطل ضحك وهزار .
عاصم خبط بالمعلقة على الكوباية:اللمة دي هي ورثنا الحقيقي .. السيدة زينب علمتنا ان البيت اللي أساسه أصل مبيتهدش أبداً.
الكل رفع كوبايات الشربات وضحكوا من قلبهم وبقت حياتهم كلها سلام وأمان والرزق كان مالي البيوت والقلوب كانت أصفى من الشاش الأبيض .
بقلم الكاتبه جنات
ـــــــــ★ــــــ
بعد مرور كام سنه .
بداية اليوم في ورشة “الحداد” المرة دي كانت مختلفة خالص .. صوت المطارق كان هادي والعمال واقفين بابتسامة وهما شايفين عاصم الكبير داخل الورشة وهو ماسك ايد “عاصم الصغير” اللي عنده ٤ سنين ولابس عفريتة زرقاء صغيرة فصلها له عمه مرتضى مخصوص.
عاصم الصغير عيونه كانت بتلمع وهو بيبص للنار والحديد .