رواية بنات النجار الفصل الثاني 2 بقلم جنات – للقراءة المباشرة والتحميل pdf
نسمة وافقتها: ايمان عندها حق الامتحانات قربت يا فطومة احنا مش جايين نتفسح يلا يا بت قدامي على المدرج.
فاطمة وهي بتمثل الزعل:ماشي يا قمرات بكره تندم يا جميل.
ودخلوا المدرج والمحاضرة كانت هدوء تام والدكتور بيشرح مسألة معقدة جدا.
فجأة موبايل فاطمة رن بأعلى صوت والمصيبة إن الرنة كانت أغنية شعبية وهي نسيت تعمله صامت .
المدرج كله ضحك .
الدكتور وقف الشرح وبص بنظرة تخوف:مين اللي فتح الاغانى دى ؟!
فاطمة بدموع تماسيح وهي بتحاول تقفل الموبايل اللي علق:والله يا دكتور دي .. دي نغمة المنبه بس .. انا مركزه مع حضرتك والله أصلي بنسجم مع الأرقام أوي .
الدكتور بحده:منبه؟! طب اطلعي بره انتي والمنبه بتاعك ومش عايز أشوفك فى المحاضرة دي.
إيمان ونسمة كانوا بيكتمو ضحكتهم وفاطمة وهي خارجة غمزت لهم وهمست: اهو جات من عند ربنا .. أنا هستناكم عند بتاع الكبدة بقا .
بعد المحاضرة خرجت نسمة وإيمان وهما بيبرطموا على جنان فاطمه .
قرب منهم ولد من الكلية وكان بيحاول يضايق إيمان بالكلام وهي مش عارفة ترد عليه .
نسمة لسه هتتكلم لقت فاطمة ظهرت من وراه فجأة وهي ماسكة ساندوتش الكبدة في إيدها وبصت للولد من فوق لتحت:جرى ايه يا حليوة؟ ضيعت مامتك ولا إيه؟ امشي من هنا بدل ما أخلي عيال السيدة زينب يعملوا عليك تخفيضات دلوقتي .