رواية بنات النجار الفصل الثاني 2 بقلم جنات – للقراءة المباشرة والتحميل pdf
عبد العزيز:كان ابوك اشطر يا اخويا .
بقلم الكاتبه جنات
ــــــــ★ـــــــ
خرجت إيمان مع فاطمه من البيت وقربو من نسمه .
ايمان:صباح الفل يا نسمه .
نسمه:صباح الجمال … كل ده بتلفى الطرحه اخرتينا يا ايمو .
ايمان بصت لفاطمه اللى بتضحك:والله يا نسمة ما حصل دي فاطمة اللي كانت بتدور على الكتاب اللي ضيعته .
نسمة ضحكت وحضنتهم:ولا يهمكم يا قمرات المهم اننا اتجمعنا .. يلا بينا قبل ما الزحمة تزيد .
وهما ماشيين في الحارة لمحهم عاصم وهو واقف قدام الورشة ونادى عليهم بلهجته الحمشة:نسمة … خدو بالكو من نفسكو ولو عوزتوا أي حاجة كلموني .. ومتاخروش في الرجوع.
فاطمة بهزار:علم وينفذ يا معلم عاصم احنا في حمايتك يا بطل.
إيمان اكتفت بابتسامة خجولة أما نسمة فكانت فخورة بأخوها اللي دايما عينه عليهم.
بعد شويا البنات وصلو الكلية وطبعا فاطمة كانت ماشية بتوزع سلامات على البنات اللى تعرفهم ونسمة وإيمان ماشيين جمبها .
فاطمة وقفت فجأة في نص الساحة: بقولكم ايه يا بنات أنا مش قادرة أدخل محاضرة المحاسبة دى .. الدكتور صوته بينيم العصافير ايه رأيكم نروح نفطر ساندوتشات كبدة من اللي ورا الكلية .