بعد قليل بـ محل المجوهرات ..
هتفت هي بخفوت لاسلام:-
_يااسلام الشبكة غالية اووي
نطق لها بحب:-
_مفيش حاجة تغلي عليكي ، دي اقل حاجة اقدر اقدمهالك
تدخلت ناهد والدتها بالحوار:-
_يابني والله دا كتير ، اصلا منار مبتحبش الدهب وعندها حساسية منه ، ممكن نرجع كل الدهب دا وكفاية طقم الالماظ ..
نطق بجدية:-
_هناخد الاتنين واللي عايزه تلبسه .. تلبسه ، والباقي تحتفظ بيه عادي
فنظرت له ناهد بقلة حيلة ولم ترد ، فقالت وفاء والدته:-
_ياحبيبتي ما دام قادر ويعرف يجيب ليها ويفرحها يبقي منزعلش ، دا احنا نفرح اننا بدأين الحكاية بحب وانكم مهتمين بمصلحته زينا
ناهد:-
_ربنا عالم والله انه دخل قلبي من اول ما شفته
اسلام بغمز لمنار:-
_يارب بس نكون داخلين كويس في قلب منار ومسيطرين
ابعدت وجهها عنه بحرج ولم ترد ، فـ لحتي الان هي من الاساس غير مستوعبة امر انه جاء وتقدم وقارب ان يخطبها ، كذلك انه يتعامل بكل هذا المرح
هل هذا اسلام ؟ هل هو يملك لها كل هذا الحب بالفعل ؟
هي سعيدة … حقا هي سعيدة ..
يتبع…..