حقا عندما وصل تفكيره لذلك الحد لم يتحمل !
فأسرع بالكتابة لها:-
_كنت بهرب لاني ببقي خايف افضل موجود فـ اتألم ، انا مكنتش اقصد اللي فهمتيه من حوار الجروب دا خالص لو كنت اعرف انك هتفكري كدا مكنتش ضفتك نهائي ، مشكلتنا لما بنزعل بنشيل ونكتم بس مبنعترفش ونحكي ، لية متكلمتيش من الاول عن اللي بيضايقك ؟ انا الاول مكنتش واثق من نفسي علشان كدا اتكسرت لما ماري واجهتني ووجعتني ، لكن دلوقتي بعد ما عرفت قيمة نفسي مبقتش بحاول اثبت نفسي لحد يامنار ، بخليه يعرفني من غير شوو ، انا اسف اني وجعتك زي ما اتوجعت ، انا اسف لاني مكنتش عارف نفسي ومكنتش محدد شكل لعلاقتنا مناسب فدمرتك معايا
ارسلها ثم اكمل:-
_اسف علشان في لحظة انفعال اتعصبت عليكي وانا عارف انك متقصديش حاجة وحشة ، انتي رجعتيلي ثقتي في الستات ، شفت في كلامك راحة مشفتهاش في حد ، مكنش ينفع اطلع كلام زي دا في لحظة اندفاع ، انا قولت لحسام اني مستني اهدي علشان اكلمك ، بس انا كنت مستني اخلص من حوار ماري علشان ارجعلك نضيف وفاضي من كل الماضي ، زمان لما كنت اتخيل اشوف ماري في يوم من الايام كنت بتعصب وكان قلبي بيوجعني لكن بعد ما عرفتك وشفتها لقيت نفسي بعاملها بكل برود ، وانها مش مأثرة فيا لدرجة اني حتي مفكرتش افكر في الماضي والوجع اللي سببته ليا بعد ما طردتها .. انتي مش بس نسيتهالي انت محيتيها من حياتي خالص ، منار انا بحبك