فـ رسالتها كان مضمونها ” استاذ اسلام .. “
كانت هي فاتحة حسابها بذلك الوقت ، تحدث هايدي من خلاله ، دخلت علي المحادثة التي تجمعها به وقرأت الرسالة
ظلت تنظر لها وهي لا تعرف ماذا تقول له
لحظات وراحت تكتب:-
_انا بس كنت عايزة اقولك ان….
بعثتها وراحت تفكر في الباقي ، ما كان يهمها ان ترد فقط
كادت تكتب اي حديث اخر ، لكنها وجدت انه هو من يكتب
فـ انتظرت
تأخر بالحقيقة في الرد كثيرا
الا انه بعد دقيقتين واربعة وثلاثون ثانية تقريبا وجدته يرسل:-
_عارف انك دلوقتي هتبدأي تقوليلي ان البنات طيبة وكويسة .. وكلام من دا كتير
بس كلامك دا انا مش هصدقه .. تعرفي لية ؟ لانها كانت في عيني احسن واحدة ، واطيب واحدة ، كنت شايف ان مفيش بجمالها الخارجي او الداخلي ، بس فجأة اتغيرت ، وانتوا كلكم كدا ، بتظهروا ملايكة ولما متلقوش اللي عايزينه بتتحولوا لشياطين
كانت تقرأها بزهول من حديثه الاندفاعي الغاضب هذا .. كادت ترد
الا انه سبقها بـ رسالة الاخري:-
_بسببها ملاك الرحمة دي ، انا فقدت النطق اربع سنين ، لا عارف اصرخ من وجعي اللي حارقني من جوه ، ولا عارف اتكلم وازعق .. اشتمها حتي
شايف نظرات القهرة من اهلي عليا ومش عارف اطمنهم ، بسببها انا سنين ضاعت مني في الهوا ، بسببها وبسبب طمعها اللي كان مخفي ، انتوا بـ مية وش ، كل وش اوسخ من التاني