_ الفصل الخامس _” بعدك عني ياغالي ، وجع قلبي اللي باقي عليك “
غيابه طال ، لا خبر عنه ولا جواب لـ السؤال
فات يوم ونصف وهو لا يرد ، وتلك المدة علي قلبها طويلة لـ الغاية ، بل في غاية الطول ، بكل الطرق حاولت ان تحادثه
” فيس بوك ” ” واتساب ” ” الهاتف الجوال ” ” البريد الالكتروني “
بكل المواقع والطرق ، وعلي الهاتف تصبرها منار ، فأين سيذهب ؟
بالطبع هو مشغول … مشغول وفقط
هتفت نوران محاولة ان تصبرها:-
_محمد صديق لقمير اعتقد ، انا هخلي هدير تتصرف وتتكلم مع قمير يمكن يكون عارف حاجة احنا مش عارفينها
وكأنها منحتها املا ، منحتها ضوءا ونورا ، وحياة
ومنحت هدير فرصة لا تعوض
لتقترب من ذلك الحبيب الذي لا يراها
تُحدث مَن عِشقه في قلبها يزيد ولا ينضب
اغلقت معها ، واسرعت بالحديث مع هدير
اخبرتها بما ارادت فصاحت الاخري مسرعة:-
_لا لا يامنار انا اتكسف ، مقدرش اكلمه
منار بضيق:-
_هتفضلي لامتي خجولة كدا ، اومال عيزاه يحبك ازاي ! هيشوفك في احلامه مثلا !
ردت بتوتر:-
_طيب اقوله اية
منار بخبث وعيون تشع بمكر النساء:-
_تسأليه عن محمد وكأنك مهتمة تعرفي اخباره ، متقوليش علشان صاحبتك ، لا .. كأنك انتي اللي عايزة تطمني ، يمكن يغير البعيد ولا حاجة
تنهدت بصوت عالي كأنها تتجهز من الان لتلك المقابلة الوشيكة علي الحدوث ، عادت منار تقول بتحذير:-
_متتوتريش وتتلعثمي معاه ، انتي لسانك عشرة متر معانا فخليه كدا معاه … سامعة
قالت بخنوع:-
_حاضر