وغيرها الكثير ..
تنهدت ووسط ما هي تقرأ وجدته يكتب لها توترت لدرجة انها القت الهاتف بعيدا عنها لحظات وامسكته مرة اخري وقرأت ما دونه:-
_انا مش هعملك بلوك ..
فقط .. هذا فقط ما ارسله ردا علي حديثها
وعاد يقول:-
_انتي مش قولتلي هنكمل اصحاب ؟! انا عايزك كـ صديقة في حياتي
شعرت وكأنه خجل ان يكتب بعد تلك الكلمات كلمة ” و بس .. صديقة وبس “
لكنها رغم ذلك راضية بتلك العلاقة التي تربطها به ..
………………………
كانت هايدي تخرج من بوابة جامعتها فوجدت محمد في وجهها ملامحه الوسيمة باتت في غاية البهتان والذبول
اقتربت منه بسعادة غامرة وهي تصيح بصوت عالي:-
_محمد
ومن سعادتها كادت تحتضنه بأندفاع لكنها تمالكت نفسها باللحظة الاخيرة
لم يكن مبتسما ، وجهه كان عابسا وبشدة كأنه يحمل حملا فوق عاتقه ، قالت وقد بدأت تلاحظ حالته:-
_متزعلش يامحمد كلنا كدا نهايتنا الموت
خرج صوته جامدا:-
_هايدي .. احنا لازم نسيب بعض
اجفلت من حديثه وعادت خطوة لـ الوراء بزهول وهي تقول:-
_انت واعي انت بتقول اية ؟!
عادت تلك الخطوة التي رجعتها وراحت تقول:-
_انا هفضل معاك لـ حد ما تبقي كويس ، مطلعنيش من حياتك في لحظة حزن او ضعف يامحمد ، انا مقدرش اعيش من غيرك ، هفضل مستنياك ومستحملاك والله لحد ما تبقي كويس بس انت متسبنيش