ثم ماذا .. ؟
تركها وغادر بعدما القي بعض المال علي الطاولة ثمنا لمشاريبهم ، نظرت بذهول لمكان اختفاءه ، منذ لحظات كانوا سيبدأوا قصة حبهم والان لـ التو انحرقت تلك القصة بأحداثها قبل ان تدون …
……….
فاتت ايام وايام ، عشرة ايام تقريبا ، حاولت ان تحادثه فيها لكن لا يجيب ، لا علي برنامج ” الفيس ” او ” الواتساب ” ولا علي اتصالتها
حتي حسام كان غالق هاتفه
قالت هدير وهي تربت علي كتفها:-
_والله دا خير ليكي انه بَعد من الاول مش احسن ما كانت حكايتكم تطور وتتعلقي بيه اكتر ويكون بيشك فيكي من ابسط حركة منك وساعتها كنتي هتعيشي في جحيم ومحتارة بين انك تبعديِ ولا تبقيِ
نطقت بدموع:-
_مسبليش فرصة اشرحله ولا افهمه حاجة
قالت هايدي بضيق:-
_هو حقه يفهم الموضوع غلط بصراحة ، بس برضوا كان لازم يسمع كلامك وتفسيرك لـ اللي كتباه
منار بأنهيار:-
_انا مكنش قصدي حاجة غير اني هغيره واخليه يحبني وقلت كلمة رهان دي بهزار
تنهدوا الفتاتين بحزن عليها ولم يرد احد ، فقط بقيت هدير تربت عليها بحنان
امسكت هاتفها لتبعث له رسالة اخري وجدت حسابه مُغلق لكن حساب حسام كان مفتوح
بعثت له سريعا بتلهف:-
_حسام ، طمني علي اسلام ارجوك ، هو لية قافل ومش بيفتح ومش عايز يرد عليا خالص ؟