في قصر معتصم الشرقاوي.
عز : برضه لاء انا عجبني الي اختارته.
حياة بعصبية : هو انا الي هلبسه و لا انت.
عز: ملكيش فيه يا حياة .
حياة : ازاي مليش فيه دا فرحي و دا فستاني الي هلبسه.
عز : فستان مش عجبني يا حياة و ضيق ماله الي اختارتة اهو واسع.
حياة : والي اختارته انا كان واسع يا عز.
عز : بس الي انا اختارته اوسع و ادام فيه اوسع يبقي الي اختارتيه كان ضيق تمام.
حياة : اوووووف………. يارب.
عز : بنت انتي بتنفخي يا خسارة التربية الي ربتهالك.
خالد : في ايه يا عز مزعل البت بتاعتي ليه .
عز : ايه يا حج مالك في ايه بت بتاعة مين الله ماعيب كده انا ساكتلك من زمان وأقول بيعيش مراهقة متأخرة و ساكت لاكن كده انا حاسس انك هتتجوز البت بدالي ماعيب بقا.
خالد : انا بعيش مراهقة متأخرة يا عز طب مراهقة بمراهقة بقا و هتجوز البت بدالك يلا و هي بتحبني و مش هترفض و هجبلها الفستان الي هي عاوزه.
حياة : وانا موافقة يا خلوده الراجل ده علي طول بيتحكم في لبسي و انا بحب البس الي بيعجبني الله.
عز : بنت ايه الي انتي بتقولية ده اسكتي ……. وانت هو انت عشان حليوه و عينك رصاصي هتاخد البت عيب عليك يا ياعم ده انت اكبر من ابوها ايه يا جدي مالك في ايه.
خالد : جدك في عينك يا حيوان ده انا لسه شباب يا حبيبي ده انا معنديش غير شعريتين بيض يا حبيبي.
حياة : فشر يا خلودة اومال الشعر الاصفر ده بتاع مين يا عم ده انت احلي مني.
عز بعصبية : في ايه يا بت ما تلمي اختك يا نور.
نور : عيب كده يااا عز الله ما عمو فعلا مز و حلو الله من حق البنت .
عز بخبث : طب تمام خليكي علي رأيك لغاية ما ادهم يجي نبقا نشوف الموضوع ده و لا ايه.
نور : بت يا حياة عيب كده يا ماما…….. عيب يا عمو خالد خطبها واقف يا بابا عيب…… خالصين يا عز.
عز : خالصين يا كبير……. باركاتك يا ادهم.