خالد : حاضر يا بنتي امك كان ليها اخين ماجد و عزوز و ليها اخت اسمها وجيد ماجد و عزوز و وجيده عايشين في القاهره هنا.
أيه : وماما اسمها ايه.
خالد : ماجدة تؤام ماجد خالك.
أيه : عنوانهم يا بابا .
خالد : هتروحيلهم دلوقتي.
أيه : اه يا بابا هروحلهم قبل ما امشي و اروح الكليه ارجوك يا بابا .
خالد : العنوان………………… خلي بالك من نفسك يا أيه ممكن مايقبلوكيش.
أيه : حاضر يا بابا يلا يا أسيل . وباست خالد من دماغه و مشي راحت القصر و لبست لبس الكليه و اخدت شنطتها وودعتهم وراحت علي العنوان.
أيه وصلت علي العنوان ورنت جرس البيت لانه كان كبير شبه القصر بس متقسم لشقك
الخدامة : خير يا هانم عايزه مين.
أيه : احمممم عايزا عايزاا خالو ماجد وووو خالو عزوز.
::- مين يا هدية.
الخدامة : واحده هانم لبس لبس ظباط بتقول عايزه خالو ماجد و خالو عزوز ياست وجيده.
وجيده : دخليها.
الخدامة : ادخلي يا هانم.
أيه اول مادخلت.
وجيده بصدمه : سبحان الله دي شبه ماجده انتي مين يا بنتي.
أيه : انا أيه خالد الشرقاوي بنت اختك ماجده يا خالتو.
وجيده بفرحه و دموع : أيه بنت اختي تعالي يا حبيبتي تعالي يا بنت الغاليه.
أيه جريت عليها و اخدتها في حضنها.
وجيده عماله تبوس فيها : يابنت الغاليه انا وخالك عزوز كنا بندور عليكي .