تنهدت بقوة و ابعدت غرتها عن عينها و هي تنظر اليه قائلة :
_ انا مش خا…
صمتت عن الحديث حينما لمحت منير يأتي نحوها و اصبحت دقات قلبها متعالية بشكل هستيري ، تراجعت الي الخلف خطوة حتي تلقتها ايدي العم مجدي الذي ربت علي كتفها مشجعاً اياها قائلاً :
_ متخافيش يا نور مش هيقدر يعملك حاجة
ما ان انهي حديثه و بلمح البصر مد منير يده من بينهم دون ينتبه اليه احد و جذبها من خصلات شعرها بقوة و هو يصك علي اسنانه بغل حتي صدحت منها صرخة متألمة من قوة قبضته علي شعرها و جذبها عدة خطوات و هو يهمس لها من بين اسنانه بحدة :
_ انا تخلعيني يا واطية يا زبالة بعد اللي عملته معاكي
اسرع فريد بالتقدم منها و جذب يد منير بعيداً عنها و جذب يدها بيده الاخري واضعاً اياها خلف ظهره ثم صد صدر منير بيده بقوة حتي ارتد الي الخلف خطوة و صرخ به بغضب :
_ اياك تمد ايدك عليها اياك
نظر اليه منير من اعلي الي اسفل و احمر عينه بجحود و تقدم تلك الخطوة التي ابتعدها و امسك بتلابيب قميصه و تحدث اليه بحدة :
_ و انت مين بقي ان شاء الله اللي هربت معاه
ازاح فريد يده عنه في حين صدح صوت العم مجدي بغضب منه قائلاً :
_ انت عايز اية يا منير مش كفاية اللي بتعمله فيها سيبها بقي يا اخي هي مش عايزاك و لو كرامتك وجعاك اوي كدا طلقها و نتنازل عن الخُلع