_ نورسين تعالي
قالتها فريال بلهفة و هي تجدها تسير ببطئ و تعرج و رأسها المحاطة بضمادة ملوثة ببعض قطرات من الدماء لـ تجلس جوارها نورسين بهدوء و اسرعت فريال باحتضانها بشدة و هي تسأل بخوف علي حالها لـ تربت نورسين علي ظهرها برفق و هي تبتعد عنها ناظرة إليها مبتسمة و هي تقول بحنو :
_ انا كويسة خالص يا حبيبتي مفيش حاجة
نظرت اليها فريال بقلق و هي تسأل بضيق :
_ ازاي بس كويسة يا نور انتي مش شايفة انتي عاملة ازاي
ابتسمت نورسين بحزن بداخلها يتهكم من حالتها فهذا افضل حال من ما رأته من قبل لـ ترفع يدها تمرر علي خصلات فريال الشقراء و هي تتحدث بهدوء :
_ صدقيني كويسة
_ بس لازم تيجي معايا المستشفي نطمن عليكي يا نورسين
كان هذا صوت فريد الجالس مراقب لما يدور بهدوء التفتت اليه بتوتر لا تعلم لما صوته أو وجوده عموماً يربكها الي هذا الحد لـ تتنحنح هامسة بهدوء :
_ انا كويسة اوي يا فريد بيه صدقني ملوش لازمة اني اروح انا بشكرك علي اهتمامك بجد
وقف فريد و اردف بهدوء متجاهلاً حديثها و كأنها لم تقل شئ :
_ هستناكي تحت تغيري هدومك
عضت علي شفتيها بغيظ و هي تتمتم بداخلها انها تريد الرد عليه لكنها تمنع نفسها بصعوبة حتي خرج من الغرفة لـ تنظر الي شقيقته و هي تهمس بغضب :
_ اخوكي دا و لا استلفتيه