هزت نورسين رأسها اليها مبتسمة قائلة :
_ الله يسلمك
نظرت الي وجههم القلق و تحدثت اليهم حتي يطمئنون :
_ بقيت احسن متقلقوش
دلفا جميعاً الي الداخل و جلسا معاً علي احد الطاولات و نظر فريد اليها يسأل مؤكداً :
_ انتي متأكدة انك كويسة
ربتت علي يده قائلة بهدوء :
_ الحمد لله متقلقش نفسك علي الفاضي
تناولوا الطعام وسط حديث بسيط ، ترك فريد الطعام و امسك بالمحارم يمسح فمه و تراجع الي الخلف مستند علي المقعد و تحدث اليهم مبتسماً :
_ ان شاء الله الاجازة الجاية هنروح نقعد في اسكندرية
لوت نورسين فمها و تحدثت بسخرية :
_ اه ما سمعنا الكلام دا قبل كدا كلام و خلاص
تقدم نحوها بجذره العلوي قائلاً بحدة :
_ انا بقول كلام و خلاص
وضعت الشوكة من يدها و تحدثت :
_ مشوفناش منك حاجة
صك علي اسنانه و تحدث بضيق :
_ انت معندكيش دم اومال احنا فين
تأففت قائلة :
_ انا قصدي علي اسكندرية
تحدثت فريال بضيق من نقاشهم :
_ بس انت و هي خلاص انت وعدتنا يا فريد و هتودينا
تنهد فريد و اعاد ظهره الي الخلف قائلاً :
_ حاضر يا ستي
وجدهم قد انتهوا من الطعام لـ ينظر اليهم متسائلاً :
_ ها عايزين تروحوا فين تاني
نظرت نورسين الي فريال مقترحة :
_ سينما ؟
هزت فريال رأسها بايجاب لـ ينظر فريد اليهم قائلاً بهدوء :
_ خلاص يلا بينا