بابا سمعه…
وبعدين قال جملته اللي كسرت كل حاجة:
– إنت راجل متجوز، ومراتك حامل.
– أنا عمري ما أزوّج بنتي لراجل في وضعك ده.
– الموضوع مرفوض.
بهاء حاول يتكلم.
بابا وقف الحوار.
– مفيش نقاش.
مشيت من الأوضة وأنا رجلي مش شايلاني.
دخلت أوضتي، قفلت الباب، وقعدت على السرير.
عيطت.
عيطت بوجع عمري ما عيطته.
كنت حاسة إن كل حاجة بتقع مرة واحدة.
الحلم، الأمل، نفسي… أنا.
قعدت على طرف السرير، حضنت نفسي، وبقيت أبص في الفراغ.
مش قادرة أكره بهاء.
ومش قادرة أسيبه.
عارفة إن الطريق ده غلط.
عارفة إن نهايته وجع.
بس قلبي؟
لسه متعلق بيه، كأنه آخر حاجة ماسكاني من الدنيا.
كنت بعيط وبسأل نفسي:
أعمل إيه؟
أمشي؟
ولا أفضل معلّقة كده… لا عارفة أكمّل ولا قادرة أرجع؟
وهنا…
فهمت إن المشكلة مش في الحب.
المشكلة إني اتحطيت
بين قلب مش قادر يسيب…
وطريق مسدود مهما حاولت أعدّي منه.
ياترى جهاد صح ولاغلط